Heimild: BBC
Paul Gascoigne heldur áfram að koma sér í vandræði en í gær var hann handtekinn í annað sinn á tveimur dögum.
Gascoigne, sem er 42 ára, var handtekinn ásamt öðrum manni á hóteli í Darlington í gær.
Gasocigne var sakaður um að vera með óspektir á almannafæri en honum var sleppt úr haldi lögreglu án ákæru eftir yfirheyrslur.
Í fyrrakvöld var þessi fyrrum knattspyrnumaður handtekinn í bænum Leeming Bar en hann var sakaður um ölvunarakstur.
Gasocigne hefur verið duglegur að koma sér í fréttirnar eftir að fótboltaferlinum lauk en fréttirnar af honum eru þó oftast neikvæðar.
Í desember síðastliðnum fékk hann refsingu fyrir að láta ófriðlega og vera með drykkjulæti í Newcastle.
