Heimild: Nordlys
Atli Guðnason, leikmaður Íslandsmeistara FH, hefur staðið sig vel á æfingum hjá norska úrvalsdeildarliðinu Tromsö en hann hefur verið þar til reynslu frá því á sunnudag.
FH og Tromsö hafa þegar komist að samkomulagi um kaupverð á Atla og mun framhaldið því ráðast af frammistöðu leikmannsins á æfingum í þessari viku.
Fjórir leikmenn til viðbótar eru til reynslu hjá Tromsö, þar af tveir sem spila í sömu stöðu og Atli, og því er ljóst að FH-ingurinn þarf að sýna allar sínar bestu hliðar.
,,Allir fimm leikmennirnir hafa sýnt að þeir eru góðir knattspyrnumenn en þeir munu fá tíma til að sýna hvað í þá er spunnið,” sagði Per Mathias Høgmo, þjálfari Tromsö, í samtali við staðarblaðið Nordlys og tók fram að engar ákvarðanir yrðu teknar í fljótfærni við kaup á leikmönnum.
