Heimild: AP
Dunga, landsliðsþjálfari Brasilíu, valdi Ronaldinho ekki í 22 manna leikmannahóp fyrir æfingaleik gegn Írum þann 2. mars næstkomandi.
Ronaldinho hefur ekki leikið með brasilíska landsliðinu í um það bil eitt ár.
Hann hefur hins vegar leikið vel með AC Milan á tímabilinu og stuðningsmenn Brasilíu og fjölmiðlar hafa kallað eftir því að fá leikmanninn aftur í landsliðið.
Leikurinn gegn Írum er síðasti æfingaleikurinn sem Brasilíumenn hafa skipulagt fyrir HM í sumar.
