Heimild: Sky
Mick McCarthy, stjóri Wolves, segir að það sé nokkuð ljóst að Kevin Doyle muni fara frá félaginu ef það fellur úr ensku úrvalsdeildinni.
Doyle hefur leikið vel með Wolves síðan að hann kom til félagsins frá Reading síðastliðið sumar.
Doyle hefur skorað alls sex mörk í vetur og McCarthy segir að nokkur félög hafi sýnt honum áhuga.
,,Ef við förum niður þá eigum við engan möguleika á að halda honum," sagði McCarthy.
,,Ef við höldum okkur uppi gætum við ennþá lent í vandræðum því að nokkur félög hafa áhuga."
