Heimild: Sporting Life
Ronaldinho, leikmaður AC Milan, segir að liðið verði að passa vel upp á Wayne Rooney framherja Manchester United í leik liðanna í 16-liða úrslitum Meistaradeildarinnar í kvöld.
United er með 3-2 forskot eftir fyrri leikinn en Ronaldinho hefur trú á að AC Milan geti klárað dæmið ef að liðinu tekst að halda Rooney niðri.
,,Rooney var ótrúlegur í fyrri leiknum. Við höfum horft á myndbönd úr leiknum og lykillinn að sigri fyrir okkur verður að koma í veg fyrir að hann fái boltann nálægt vítateignum," sagði Ronaldinho.
,,Ef við getum stöðvað hann þá aukast möguleikar okkar. Við getum unnið United."
,,Fyrir mér er þetta eins og sjálfur úrslitaleikur Meistaradeildarinnar. Ég sé fram á fjörugan leik með mörgum mörkum."
