Heimild: BBC
Portsmouth mun ekki fá að keppa í Evrópukeppni á næsta tímabili ef að liðið verður enskur bikarmeistari í vor.
Hermann Hreiðarsson og félagar eru komnir í undanúrslit í enska bikarsins og eiga þar með ennþá góða möguleika á Evrópusæti þar sem að önnur lið sem eru eftir í keppninni gætu náð í Evrópusæti í gegnum enska úrvalsdeildina.
Hins vegar er ljóst að félagið myndi ekki fá að taka þátt í Evrópukeppni það sem að það kemst ekki í gegnum leyfiskerfi UEFA.
Portsmouth fór í greiðslustöðvun á dögunum og hefur ekki sýnt UEFA bókhald sitt sem að er krafa fyrir félög í Evrópukeppni.
Portsmouth varð enskur bikarmeistari árið 2008 og þá fór liðið í Evrópukeppni þar sem að það mætti meðal annars Wolfsburg og AC Milan.
