Þá er komið að ,,Íslenska netrúntinum." Þar rennir Fótbolti.net yfir síður íslensku félaganna, stuðningsmannasíður og aðrar síður sem tengjast fótbolta og skoðar athyglisvert efni. Um er að ræða fastan lið á Fótbolta.net og lesendur mega endilega senda ábendingar um efni á fotbolti@fotbolti.net.

Andrew Mwesigwa skrifar Eyjamönnum bréf:
Andrew Mwesigwa, sem hefur leikið með ÍBV undanfarin fjögur ár, hefur samið við kínverska félagið Chongqing Lifan FC. Andy, eða Siggi eins og hann er kallaður í Eyjum, hefur skrifað langt bréf sem er birt á heimasíðu ÍBV. Þar þakkar hann Eyjamönnum fyrir tímann hjá ÍBV og segist hafa kunnað vel við sig á Íslandi.
Sjá fréttina í heild: Kveðja frá Andrew Mwesigwa

Tvíburar í fótboltanum:
Á sammarinn.com er skemmtileg grein þar sem farið er yfir tvíburapör sem hafa gert það gott í fótboltanum. Arnar og Bjarki Gunnlaugsson koma þar fyrir sem og erlend tvíburapör.
Sjá fréttina í heild: Sex í skemmtun - Tvíburar

Stuðningsmenn andstæðinganna svara spurningum:
Selfoss.org, stuðningsmannasíða Selfyssinga, er með skemmtilegan lið í gangi en þar taka þeir viðtal við einn stuðningsmann frá hverju liði í Pepsi-deildinni. Nú þegar hafa birst greinar þar sem stuðningsmenn frá Grindavík, Stjörnunni og FH svara nokkrum spurningum.
Sjá fréttina í heild: Sjónarmið andstæðinganna

Leifur í viðtali eftir úrslitaleikinn:
Á vikingur.net er Leifur Garðarsson þjálfari Víkings R. í viðtali. Í viðtalinu fer Leifur yfir úrslitaleik Reykjavíkurmótsins, umdeilt mark KR, glæsimörk Halldórs Smára Sigurðssonar og næstu verkefni liðsins.
Sjá fréttina í heild: Leifur: Stoltur af framlagi míns liðs

Tómas Ingi ánægður með leikinn gegn Blikum:
Tómas Ingi Tómasson, þjálfari HK, er í viðtali á heimasíðu liðsins. Þar fer hann yfir leikinn gegn Breiðablik í gær þar sem að HK tapaði 3-2. Tómas Ingi var þó ánægður með spilamennsku sinna manna og segir að þetta hafi verið besti leikur liðsins síðan að hann tók við síðastliðið haust.
Sjá fréttina í heild: Við þurfum 22 svona leiki í sumar