Fótbolti.net

fös 12. mars 2010 09:00

Fótbolti.net

Íslendingar með frægum

Þá er komið að liðnum ,,Íslendingar með frægum fótboltamönnum" en eins og nafnið gefur til kynna eru þar birtar myndir af Íslendingum með frægum fótboltamönnum. Öllum er frjálst að senda okkur inn myndir af sér með frægum fótboltaköppum og á hverjum föstudegi birtum við fjórar nýjar slíkar myndir.

Sendu okkur mynd af þér og frægum fótboltakappa og láttu fylgja með smá texta um hvenær og hvar þú hittir hann og jafnvel mjög stutta sögu af því þegar þú hittir hann. Sendið myndir á [email protected].

Athugið að Fótbolti.net áskilur sér rétt til að nota allar myndirnar sem sendar eru til birtinga á www.fotbolti.net. Öllum er frjálst að senda inn myndir af sér með frægum fótboltamanni er það einnig algjörlega óháð því hversu gömul myndin er.
Hér að neðan má sjá nýjasta skammtinn af myndum af Íslendingum með frægum fótboltaköppum.

Myndir birtar föstudaginn 12.mars 2010

Þórður Óskarsson hitti John Terry fyrirliða Chelsea árið 2005 þegar að hann fór ásamt syni sínum á leik liðsins gegn Liverpool. Feðgarnir voru á hótelinu við Stamford Bridge og þeir hittu Terry og fleiri leikmenn nálægt barnum á efri hæð hótelsins. Þá voru leikmennirnir að koma af fundi í morgunverðarsalnum.					Ívar Orri og Karl Eiríksson hittu tvífara Rafael Benitez knattspyrnustjóra Liverpool. Á myndinni er Ívar Orri með tvífaranum.

Ólafur Ólafsson hitti Luis Garcia á veitingastað í Liverpool eftir leik Liverpool og Everton árið 2005. Þess má geta að Garcia skoraði sigurmarkið í leiknum.					Geir Rúnar Birgisson fyrrverandi Íþróttamaður Aftureldingar og Mosfellsbæjar ásamt Steingrími Benediktssyni. Myndin var tekin þegar Steingrímur hitti Geir í afmælisboði í vetur.
Myndir birtar föstudaginn 5.mars 2010

Snorri Magnússon, Hafþór Hilmarsson, Viðar Bjarnason Pálmi Ólafur Theódórsson, Marteinn Ægisson og Helgi Þór Gunnarsson ásamt Salif Diao. Gunnar Örn Ástráðsson tók myndina fyrir leik Stoke og Arsenal um síðustu helgi.					Guðrún Ósk Guðmundsdóttir var svo heppin að hitta John Carew þegar hann kom til landsins með Aston Villa og hún fékk mynd af sér með Norðmanninum.

Ólafur Birgisson og Kolla Björnsdóttir fengu Dirk Kuyt í heimsókn í brúðkaupið sitt síðasta sumar þegar Hollenska landsliðið spilaði hér.					Arnar Júlíusson hitti Hermann Hreiðarsson þegar að íslenski landsliðsfyrirliðinn hélt golfmót í Vestmannaeyjum í fyrra.
Myndir birtar föstudaginn 26.febrúar 2010

Guðmundur á góðri stundu með hinum hárprúða Carlos Valderrama, einum frægasta leikmanni Kolumbíu frá upphafi.					Ólafur Óafsson og Ívar Jasonarson ásamt Xabi Alonso. Myndin er tekin á veitingahúsi eftir sigur Liverpool á Everton árið 2005.

Jóhannes Kjartansson hitti fyrrum landsliðsmanninn Ríkharð Daðason á dögunum.					Fanný Ragna Gröndal hitti Guðlaug Victor Pálsson leikmann Liverpool fyrir utan Anfield fyrir leik Liverpool og Everton.
Myndir birtar föstudaginn 19.febrúar 2010

Hörður Ágústsson, leikmaður Berserkja, hitti Robbie Keane á White Hart Lane heimavelli Tottenham. Myndin var tekin þegar Tottenhamklúbburinn á Íslandi veitti Keane verðlaun sem Leikmaður ársins að mati stuðningsmanna Tottenham á Íslandi. Þess má geta að myndin er tekin um klukkutíma fyrir leik Tottenham og Arsenal sem endaði 1-1 með marki Jermaine Jenas á 94. mínútu sem gladdi lýðinn.					Eftir 3-2 sigur Arsenal á Sunderland haustið 2007 hittu þrír Íslendingar á Niall Quinn formann Sunderland. Quinn lék á árum áður með Arsenal, Manchester City, Sunderland og írska landsliðinu. Á myndinni eru Rögnvar Ragnarsson, Rögvnvar Grétarsson, Niall Quinn og Grétar Rögnvarsson.

Jósef Halldór Þorgeirsson og Ian Rush á árshátíð Liverpool klúbbsins. Jósef Halldór var staddur í fermingaveislu á hæð fyrir ofan og fékk mynd af sér með Rush sem skoraði ófá mörkin fyrir Liverpool á sínum tíma.					Albert Brynjar Ingason hitti á Ragnar Sigurðsson, varnarmann IFK Gautaborg íslenska landsliðsins, en þeir hittust í bænum og ræddu málin.
Myndir birtar föstudaginn 12.febrúar 2010

Arnar Júlíusson hitti Sol Campbell, varnarmann Arsenal, þegar að hann tók þátt í Herminator golfmótinu í Eyjum síðastliðið sumar. Campbell var mjög vinalegur og gaf sér smá tíma að spjalla við 10 ára gutta um Arsenal og fótbolta.					Fannar Freyr Magnússon hitti Nathan Delfouneso framherjann unga í liði Aston Villa.

Tómas Geir og faðir hans Hörður Magnússon ásamt Phil Thompson fyrrum leikmanni og aðstoðarstjóra Liverpool. Myndin er tekinn fyrir leik Liverpool og Aston Villa í fyrra.					Pétur Jónsson (til vinstri ) og Hilmar Sævarsson (til hægri) hittu Gylfa Þór Sigurðsson leikmann Reading á lestarstöð í London í vetur. Gylfi var á leið heim til sín úr búðarrápi með kærustunni sinni þegar þeir hittu á hann.
Myndir birtar föstudaginn 5.febrúar 2010

Egill Heiðar Gíslason fór og heimsótti Roman Abramovich eiganda Chelsea fyrir nokkrum árum. Egill fékk að sjálfsögðu mynd af sér með Abramovich.					Sólrún Ósk, Sædís María, Sara Ósk, Sindri Snær og Aníta Ósk hittu landliðsfyrirliðann Hermann Hreiðarsson eftir landsleik gegn Norðmönnum á Laugardalsvelli 5.september síðastliðinn.

Sverrir Birgir Sverrisson hitti Dirk Kuyt á hóteli hollenska landsliðsins eftir leik liðsins gegn Íslendingum í sumar. Sverrir fékk mynd af sér með Kuyt og þá fékk hann að eiga treyjuna sem að leikmaðurinn lék í gegn Íslendingum.					Elísabet Halldórsdóttr hitti Alan Kennedy fyrrum leikmann Liverpool, Newcastle og Sunderland en myndin er tekin í Liverpool.
Myndir birtar föstudaginn 29.janúar 2010

Hjálmtýr Rúnar hitti Darren Fletcher, miðjumann Manchester United, í Leifsstöð þegar að skoska landsliðið kom hingað til lands árið 2008.					Haukur Már Hjartarson (til hægri) og félagi hans hittu Dirk Kuyt eftir landsleik Íslands og Hollands í fyrra en þeir félagar voru að vinna í gæslu á vellinum.

Marinó Heiðar Svavarsson fór að sjá sína menn í Everton vinna Liverpool 3-0 árið 2006. Marinó var hæstánægður með ferðina en hann fékk mynd af sér með Tim Cahil sem gaf sér einnig tíma til að spjalla við Marinó.					Hinn 13 ára gamli Fannar og Benedikt sjö ára bróðir hans fengu mynd af sér með Brynjari Birni Gunnarssyni, Gylfa Sigurðssyni og Ívari Ingimarssyni eftir leik Coventry og Reading í nóvember síðastliðnum.
Myndir birtar föstudaginn 15.janúar 2010

Anton Egilsson ásamt Dwight Yorke. Myndin er nokkuð gömul en Yorke lék með Manchester United þegar að hún var tekinn.					Bjarki Kristjánsson hitti finnska miðjumanninn Teemu Tainio fyrir leik Tottenham og Reading á White Hart Lane í apríl 2007. Tainio leikur í dag með Sunderland.

Anika Laufey Baldursdóttir og Javier Mascherano miðjumaður Liverpool og fyrirliði argentínska landsliðsins.					Viðar Aron hitti landsliðsfyrirliðann Hermann Hreiðarsson á Shellmótinu í Vestmannaeyjum.
Myndir birtar föstudaginn 18.desember 2009

Áslaug Magnúsdóttir, Sandra Júlía Bernburg og Andrea Guðmundsdóttir ásamt hetjunni sinni Ryan Babel sem þær hittu á Laugaveginum síðastliðið sumar.					Elísabet Halldórsdóttir hitti Xabi Alonso þegar að Spánverjar komu til Íslands árið 2006. Hún fékk mynd af sér með Alonso og einnig eiginhandaráritun.

Ísak Máni Wíum var að keppa með 6. flokki ÍR á Shellmótinu í Eyjum síðastliðið sumar og átti 10 ára afmæli á fyrsta keppnisdegi mótsins. Á lokadeginum hitti hann Sol Campbell sem var að keppa á golfmóti sem Hermann Hreiðarsson stóð fyrir. Campbell gaf sér tíma frá golfinu fyrir myndatöku og gaf einnig eiginhandaráritun.					Egill Valur Michelsen hitti Grétar Rafn Steinsson, leikmann Bolton og íslenska landsliðsins, á 17.júní í fyrra. Egill fékk mynd af sér með Grétari Rafni.
Myndir birtar föstudaginn 11.desember 2009

Garðar Haukur og Nick ásamt Marcel Desailly fyrrum leikmanni Chelsea. Myndin er tekin á Chelsea hótelinu eftir leik Chelsea og Manchester United á Stamford Bridge í apríl árið 2007. Leikurinn fór 2-1 fyrir Chelsea.					Snorri Kristjánsson ásamt John Aldridge og Alan Kennedy fyrrum leikmönnum Liverpool. Myndin er tekin á Aldo's bar í Liverpool en staðurinn er í eigu John Aldridge. Myndin er tekin degi fyrir leik Liverpool og Barcelona í Meistaradeildinni.

Grétar Rögnvaldsson ásamt Charlie George fyrrum leikmanni Arsenal. Grétar hitti George í Arsenal búðinni fyrir leik gegn Sunderland haustið 2007.					Þórður Jón Jóhannesson, ungur leikmaður úr Haukum, er hér ásamt Hólmari Eyjólfssyni varnarmanni West Ham og U21 árs landsliðsins. Myndin er tekin í maí síðastliðnum eftir að þeir höfðu farið út að borða.
Myndir birtar föstudaginn 4.desember 2009

Grindvíkingurinn Kristján Ásgeirsson og Ryan Giggs á veitingastað í Manchester United. Myndin er tekinn eftir leik Manchester United og Arsenal þar sem að United hafði betur 2-1.					Sigríður Ólafsdóttir (til vinstri) og Kristín Sverrisdóttir (til hægri) ásamt Ryan Babel leikmanni Liverpool. Þær hittu Babel þegar að hollenska landsliðið kom til Íslands í júní síðastliðnum.

Jón Óskar ásamt Eiði Smára Guðjohnsen en þessi mynd var tekinn á N1 mótinu á Akureyri.					Baldur Kristjánsson hitti Davíð Þór Viðarsson þegar að hann var á reynslu í Belgíu í síðasta mánuði. Baldur er mikill FH-ingur og þótti honum skemmtileg tilviljun að hitta fyrirliða liðsins í Belgíu en Davíð er nú farinn frá Fimleikafélaginu til Öster í Svíþjóð.
Myndir birtar föstudaginn 27. nóvember 2009

Anika Laufey Baldursdóttir og Rafael Benitez knattspyrnustjóri Liverpool.					Daniel Þór Midgley fór á leik Portsmouth og Fulham í ágúst. Daniel fékk mynd af sér með Anthony Vanden Borre leikmanni Portsmouth.

Drífa Guðrún Þorvaldsdóttir og Erla Hrönn Gylfadóttir hittu Eið Smára Guðjohnsen í Leifsstöð og fengu að smella einni mynd. Þær voru á leiðinni á USA CUP fótboltamót með 3. flokki hjá Fylki sumarið 2008.					Aron Brink ásamt spænska miðjumanninum Xabi Alonso. Myndin er tekin síðastliðinn vetur fyrir leik Liverpool og Newcastle þar sem að Liverpool sigraði örugglega 3-0.
Myndir birtar föstudaginn 20. nóvember 2009

Emilía Atladóttir og Rannveig Atladóttir ásamt Frank Lampard miðjumanni Chelsea. Myndin er tekinn eftir að Chelsea lagði Coventry í enska bikarnum fyrr á þessu ári.					James Einar Becker fór á æfingu hjá Hamburger SV árið 2007 og með honum á þessari mynd er Collin Benjamin sem hefur leikið með HSV frá því árið 2001. Auk þess að fá mynd af sér með Collin Benjamin þá fékk James Einar eiginhandaráritun frá Vincent Kompany og Timothé Atouba.

Adolf Smári Unnarsson með Kasper Schmeichel fyrrum markmanni Manchester City og núverandi leikmanni Notts County. Myndin er tekinn sumarið 2008 á KR-vellinum eftir leik U21 árs landsleik Íslands og Danmerkur.					Fannar Freyr Magnússon ásamt enska miðjumanninum Gareth Barry. Myndin er tekinn á þeim tíma sem Barry lék með Aston Villa eða áður en hann gekk í raðir Manchester City í sumar.
Myndir birtar föstudaginn 9. nóvember 2007

Félagarnir Björn Daníel Sverrisson, Brynjar Benediktsson, Bjarni Þór Viðarsson og Ólafur Andrés Guðmundsson fóru til Englands og heimsóttu Bjarna Þór Viðarsson leikmann Everton sem hér er með þeim á myndini.					Unnar Andri Unnarsson leikmaður HK ásamt Fernando Torres leikmanni Liverpool og spænska landsliðsins em myndin er tekin á Laugardalsvelli daginn fyrir 1-1 jafntefli liðanna í sumar.

Hér er Brynjar Ingi Erluson ásamt Fernando Torres framherja Spænska landsliðsins og Liverpool en þessi mynd er tekinn eftir æfingu hjá landsliðinu á Laugardalsvelli.

Skagamaðurinn Alexander Eiríksson ásamt þeim Sam Allardyce og Peter Reid er þeir hittust og spjölluðu saman í lok október.					Gísli Gíslason formaður rekstrarfélags meistara- og annars flokks ÍA, Örn Gunnarsson varaformaður og Alexander ásamt Sam Allardyce stjóra Newcastle United og gömlu goðsögninni Chris Kamara. Myndin er tekin í lok október síðastliðnum.

Viðar sem er þrítugur og frá Fáskrúðsfirði fór í lok apríl til Englands þar sem hann sá leik Reading og Newcastle. Með í för voru sonur hans, Kristófer Páll, og Sigdís Thelma frænka hans. Þar hittu þau Ívar Ingimarsson og fóru með honum út á völl í myndatöku.					Arnar og Ingvar Ákason stuðningsmenn Kaierslautern hittu Patrice Bernier leikmann Kaiserslautern á hóteli hér á landi er hann kom hingað með kanadíska landsliðinu í ágúst. Þeir sögðu hann mesta toppnáunga sem þeir hafa hitt en þeir sátu með honum í rúman klukkutíma og spjölluðu um fótbolta.
Myndir birtar föstudaginn 2. nóvember 2007

Jóhann Bjarnason og Bergur ásamt John Terry leikmanni Chelsea.					Bragi Hinrik Magnússon og Leroy Lita, leikmaður Reading, hittust eftir leik Reading og Stoke á síðasta tímabili og áttu gott spjall um boltann, sérstaklega þó þá Ívar Ingimarsson og Brynjar Björn Gunnarsson.

Þessar 2 myndir eru teknar í byrjun mars 2006 en þá fór Sigurður Gíslason í draumaferðina á Anfield. Hann var orðinn mikið veikur á þessum tíma og lést 6 vikum síðar þann 15. apríl. Hann fór með föður sínum á á leik Liverpool og Charlton, og eftir leik fengu þeir feðgar ásamt Sigursteini Fyrrverandi formanni Liverpool klúbbsins á Íslandi að fara inn á players lounge og hitta leikmenn Liverpool. Þar inni er myndavélabann sem þeir virtu þó þá hafi klæjað mikið að fá að taka nokkrar myndir í þessu návígi við stjörnurnar. En Hermann Hreiðarsson kom þarna inn og færði þeim treyju sína og Cisse. Þegar þeir voru að yfirgefa staðinn fengu þeir Hermann til að stilla sér upp með Sigga. Að sjálfsögðu var skroppið inn á Park og þar tók Pete Samparas á móti þeim og er hann einmitt með Sigga á annarri myndinni. ,,Þessi maður er algjör perla og gerði mikið fyrir okkur þarna í ferðinni," sagði Gísli.

Frá vinstri: Magrét Jústa, Vera Björt, Edgar Davids, Þórunn Elísabet, Hildur Sif og Helga. Þær hittu kappan í Brussel en Þórunn hefur um árabil verið mikill áðdáandi Tottenham þar sem Davids lék á þeim tíma.					Feðgarnir Tryggvi og Jón Þór Tryggvason með Martin Keown á Emirates, fyrir leik með Arsenal á móti Sheffield Wednesday.

Brynjar Ingi Bjarnason ásamt Sveppa og Eiði Smára fyrir lokahóf Essómótsins 2005 þar sem Eiður var að afhenda verðlaun.					Óli Hall hitti Luca Toni á veitingastað á Ítalíu í fyrra og þaðan er þessi mynd tekin.
Myndir birtar föstudaginn 6. október 2006

Fannar Máni Fjalarsson og Hróbjartur Pálsson á Skagamóti 7.flokks 2006 ásamt landsliðsfyrirliðanum Eiði Smára sem leikur með Barcelona.					Fannar Máni Fjalarsson ásamt Xabi Alonso leikmanni Liverpool en myndin er tekin er spænska landsliðið kom hingað til lands í sumar.

Fannar Máni Fjalarsson á þrjár myndir í dag. En hér er hann ásamt Iker Casillas markverði Real Madrid og spænska landsliðsins í Laugardalnum í sumar.					Daníel Tryggvi Daníelsson ásamt Fernando Torres leikmanni Spænska landsliðsins og Atlético de Madrid, þegar að Spánverjar komu hingað til lands og gerðu jafntefli við okkur á Laugardalsvellinum. Ástæðan fyrir því að hann valdi bara að fá mynd með honum en ekki einhverjum öðrum eins og Raul, Reyes, Fabregas eða einhverju öðrum er sú að hann var að vonast til að hann myndi ganga til liðs við Manchester United og þar sem að hann er dyggur stuðningsmaður þeirra þá fannst honum gaman að eiga kannski mynd af sér með þessum hugsanlega verðandi leikmanni United.

Á Myndinni eru Örn Rúnar Magnússon til vinstri, Hermann Hreiðarsson og Andri Magnússon , en þessi mynd er tekin á The Valley. Myndin var tekin 17. april eftir leik Charlton og Portsmouth. Eftir leikinn skelltu bræðurnir sér ásamt foreldrum og systur sér í mat hjá Hermanni um kvöldið.					Björn Ingi Ásgeirsson, Guðrún Ósk og E. Charlotta hittu besta fótboltamann heims, Ronaldinho, á flugvellinum í Barcelona árið 2004 en þar er þessi mynd tekin.

Sigurjón Gísli Rúnarsson og frændi hans Ágúst Halldór Viðarsson fóru á HM í sumar og sáu Holland-Serbíu í Leipzig. Daginn fyrir leik (10.júní) voru þeir í fótbolta út í garði við hótelið sitt og þá kom sjálfur Albert Ferrer (Spánn, Barcelona, Chelsea) á jogginu og spyr hvort hann megi vera með. Hann spilaði 1on1 við þann stutta og allir skemmtu sér vel. Myndirnar þrjár eru teknar við það tækifæri.
Myndir birtar föstudaginn 29. september 2006

Sigurgeir Bárðarson ásamt Steven Gerrard fyrirliða Liverpool eftir 3-0 sigur á Tottenham um helgina.					Guðmundur Örn Bárðarson ásamt John Arne Riise eftir 3-0 sigur Liverpool á Tottenham um helgina.

Kristján Gestsson ásamt John Terry fyrirliða Chelsea eftir leik Chelsea og Everton 17. apríl síðastliðinn. Terry var á röltinu fyrir utan Chelsea hótelið þegar KRistján hitti hann, spjallaði við hann og fékk að taka myndir.					Sölvi Þrastarson á góðri stundu með Ruud Gullit þegar þeir hittust. Sölvi hitti hann í skoðunarferð sinni á San Siro sumarið 2001. Varð strax vel til vina með köppunum og vonast þeir til að hittast aftur í bráð. Gullit var þögull enda bara eftirlíking af þessum magnaða knattspyrnumanni.

Brynjar Ásgeir Guðmundsson og Þór Willemous Petersen hittu Jose Reina á EstEstEst sem er frægur veitingastaður í Liverpool og gaf Reina sér tíma í að spjalla við föður Brynjars, Guðmund Árna Stefánsson sendiherra Íslands í Svíþjóð en hann tók myndina					Birgir Örn Birgisson hitti uppáhaldsleikmanninn sinn Tim Cahill hjá Everton er hann var staddur í Liverpool borg í mars. Hann var í viðskiptaferð þar í borg og á leið sinni út af hótelinu áleiðis á fund mætti hann Cahill. Birgir sem er Everton maður fram í blá/hvítan dauðann áttaði sig ekki strax á hver þar færi og missti af honum inní lyftuna. ,,En ég vissi að hann kæmi aftur út...svo ég hringdi og frestaði fundinum sem ég var að fara á og settist í lobbyið og beið. Svo liðlega klukkustund seinna kom hetjan og brást mjög vel við þegar ég bað um mynd. Algjört ljúfmenni," sagði Birgir.

Gabríel Ingi, Eiður smári og Eyrún Rakel eru hérna með Eið Smára Guðjohnsen fyrirliða íslenska landsliðsins eftir leik Chelsea gegn Middlesboro á síðustu leiktíð. Þar sem Gabríel er mikill Chelsea aðdáandi og var ekki verst þegar hann fékk að sjá allar stór stjörnurnar í Chelsea. Bæði er þau að æfa fótbolta og er Eyrún að æfa með Fylki úr Árbænum og er litli bróðir hennar að æfa með Þrótti úr Laugardalnum.					Hinrik Jóhannesson hitti Hristo Stoichov fyrrum stjörnu í búlgarska landsliðinu er hann var í sumarfríi í sumar og fékk að taka mynd af sér með honum. Myndin er tekin 22. júní síðastliðinn.

Hjörleifur Þórðarson hitti Nesta á æfingu ítala á æfingu þeirra á Laugardals velli fyrir leik þeirra gegn íslandi fyrir tveimur árum.					Kristján Gestsson hitti Shaun Writht Phillips á Chelsea hótelinu eftir leik Chelsea og Everton 17. apríl síðastliðinn.
Myndir birtar föstudaginn 22. september 2006

Viktor Karl Ævarsson ásamt með Bobby Robson, þá stjóra Newcastle. Myndin var tekin 15. september 2001 fyrir utan búningsklefa leikmanna á St. James’ Park, eftir sigurleik Newcastle á Manchester, en lokastaða var 4-3 fyrir heimamönnum. Maðurinn á bakvið er öryggisvörður Newcastle, sem var eitthvað tortrygginn af því faðir Viktors hljóp til Bobby’s og bað um mynd. Faðir hans er mikill maður og þegar hann hljóp til hans komu nokkrir verðir út, t.d. þessi á myndinni.					Samuel Ochineg Brooklyn Sewe og Viðar Kjartansson ásamt Kolo Toure leikmanni Arsenal og Fílabeinsstrandarinnar. Myndin er tekin á síðasta ári eftir leik Arsenal og Manchester City í ensku úrvalsdeildinni. Leiknum lauk með 1-1 jafntefli en þeir félagar náðu einnig mynd af sér ásamt Patrick Vieira sem hefur birst áður.

Krist&