Heimild: Sporting Life
Arsene Wenger, stjóri Arsenal, segir að það þurfi kraftaverk ef að Cesc Fabregas á að spila gegn Hull á laugardag.
Fabregas meiddist aftan í læri gegn Burnley um síðustu helgi og var ekki með Arsenal í sigrinum á Porto í fyrrakvöld.
,,Möguleikar hans eru 0,5% og það þýðir að hann muni ekki spila nema að það gerist kraftaverk. Eins og staðan er í augnablikinu þá verður Cesc ekki með á laugardag," sagði Wenger.
,,Við höfum smá efasemdir með (Tomas) Rosicky en við skoðum meiðsli hans á morgun. Enginn annar er kominn til baka en við missum (Alex) Song sem er í leikbanni."
William Gallas og Bacary Sagna eru einnig að glíma við meiðsli en Wenger vonar að Sol Campbell verði klár í slaginn á laugardaginn.
