Heimild: Sporting Life
David Beckham verður lengi frá keppni eftir að hafa slitið hásin í leik AC Milan gegn Chievo í ítölsku Serie A deildinni í kvöld.
Beckham lenti í meiðslunum án þess að vera nærri nokkrum öðrum leikmanni á vellinum en hásin er talin hafa slitnað sem þýðir að hann verður í nokkra mánuði að jafna sig.
Því er nokkuð ljóst að hann verður ekki með Englendingum á Heimsmeistaramótinu í Suður Afríku í sumar.
,,Okkur líður hræðilega yfir meiðslum Beckham," sagði Leonardo þjálfari AC Milan eftir leikinn.
,,Hann er ekki eins og aðrir og leikurinn í dag sannar það. Ég get ekki notið sigursins vegna þess hversu alvarleg meiðslin eru. David vissi strax að hann hafði slitið hásin."
AC Milan 1-0 Chievo:
1-0 Clarence Seedorf ('90)
