Heimild: BBC
Fátt virðist geta komið í veg fyrir að Hermann Hreiðarsson og félagar í Portsmouth falli úr ensku úrvalsdeildinni eftir að níu stig voru tekin af liðinu í dag.
Hermann verður því væntanlega fyrsti leikmaður ensku úrvalsdeildarinnar frá upphafi til að fá þann vafasama heiður að falla með fimm mismunandi félögum.
Portsmouth varð á dögunum fyrsta félagið í ensku úrvalsdeildinni til að fara í greiðslustöðvun og þá varð ljóst að félagið myndi missa níu stig.
Enska úrvalsdeildin hefur núna staðfest refsinguna og Portsmouth missti níu stig í dag.
Portsmouth er núna með tíu stig í neðsta sæti deildarinnar, 17 stigum frá öruggu sæti þegar að níu leikir eru eftir.
