Heimild: Sky
Steve Bruce, stjóri Sunderland, hefur áhuga á að kaupa skoska hægri bakvörðinn Alan Hutton frá Tottenham.
Hutton kom til Sunderland á láni fyrir nokkrum vikum en hann hefur leikið sex leiki með félaginu og staðið sig vel.
Hutton kom til Tottenham á um það bil átta milljónir punda frá Rangers árið 2008 en þessi 25 ára gamli leikmaður hefur ekki náð að festa sig í sessi hjá Spurs og því er ekki ólíklegt að hann verði seldur í sumar.
,,Ég hef ekki rætt við Harry Redknapp til að athuga hvort að hann sé falur," sagði Bruce.
,,Ef að það yrði hægt að fá hann í sumar þá myndi ég auðvitað hafa áhuga. Hann hefur staðið sig vel hjá okkur og aðlagast liðinu mjög vel."
