Enska slúðurblaðið The Sun segist vita hver þessi leikmaður er en vill ekki upplýsa nafn hans af lagalegum ástæðum.

Lögreglan hefur enn ekki yfirheyrt hann en mun gera það innan skamms því þeir vilja vita hvort hann eigi þátt í að setja upp ætlaða nauðgunarárás eða hvort hann hafi verið áhorfandi að atburðinum.

Heimildarmaður sem stendur nærri rannsókninni sagði við Sun í gærkvöld: ,,Leikmaðurinn sem stúlkan hafði samræði við með vilja hennar gæti verið lykilatriði í rannsókninni. Hann mun verða yfirheyrður og beðinn um fulla skýrslu á því sem átti sér stað. Þegar búið er að taka skýrslu af honum þá mun ákvörðun verða tekin um hvort á að fara með mál hans sem sakbornings eða vitnis."

Stúlkan hafði áður greint frá því að hún hafi samþykkt að hafa samræði við Chelsea leikmanninn um helgina. Hún hafði hitt hann á Barnum á Sanderson hótelinu í London áður en þau fluttu sig á Grosvenor House hótelið.

Stúlkan sagði að hún hafi sötrað Coca-Cola með leikmanninum og nokkrum félögum áður en hún samþykkti að fara með honum í rúmið. Þau fóru í herbergi 316 þar sem þau höfðu samfarir.

Sjö leikmenn frá öðru félagi eiga svo að hafa gengið inn. Stúlkan segir að henni hafi verið hópnauðgað og hún neydd til að stunda óheilbrigt kynlíf.

Rannsóknaraðilar málsins bíða nú eftir niðurstöðum DNA rannókna á stúlkunni og hlutum í herberginu.

Heimildarmaðurinn sagði um Chelsea leikmanninn: ,,Það sem hann hefur að segja er mjög mikilvægt fyrir rannsókn málsins og hann gæti orðið aðalvitnið. Það er eftir honum komið að gera rétt og segja sannleikann. Hann verður að taka ábyrgð því mikið gæti hvílt á öxlum hans."

Sir John Stevens lögreglustjóri krefst þess að starfsmenn hans viðhafi fulla og sanngjarna rannsókn á ásökunum stúlkunnar.

Einn rannsóknarmanna sagði hinsvegar: ,,Maður spyr sig hvers vegna leikmennirnir hafa ekki verið handteknir. Ef þetta væri venjuleg nauðgunarákæra yrðu grunaðir teknir strax og öll sönnunargögn eins og föt yrðu tekin."