Ólafur Kristjánsson.
Ólafur Kristjánsson, þjálfari Breiðabliks, fylgdist með væntanlegum mótherjum Kópavogsliðsins í Evrópudeildinni, Motherwell, sigra Ayr Utd 2-1 í æfingaleik í dag.
Leikurinn fór fram á heimavelli Ayr, sem spilar í skosku 2. deildinni, og var heimaliðið betri aðilinn en Motherwell náði að knýja fram sigur á lokasekúndum leiksins.
Þetta var síðasti æfingaleikur Motherwell fyrir leikinn gegn Breiðablik á Fir Park næsta fimmtudag en liðið hefur sigrað alla þrjá æfingaleiki sína til þessa á undirbúningstímabilinu.
