,,Þetta hleypir okkur aftur inná toppinn, núna eru þrjú lið á toppnum. Þetta er bara gaman og gefur lífinu gildi, þetta verður barátta fram á síðustu stundu," sagði Sigursteinn Gíslason þjálfari Leiknis eftir 2-0 sigur liðsins á Víking í toppslag í 1. deild karla í kvöld.
Leiknir eru því jafnir Víkingum og Þór í toppsætinu með 28 stig.
,,Heilt yfir var ég mjög ánægður með liðið, það var aðeins í fyrri hálfleik þegar þeir fengu eitt eða tvö færi en við fengum líka dauðafæri."
,,Þrátt fyrir frábæran leik þá er ég ógjeðslega pirraður, að klúðra víti hérna á síðustu mínútu og slátra þeim ekki þar með. Ég er alveg klár á því að við hefðum skorað eitt ef ekki tvö í viðbót hefðum við nýtt vítið."
