,,Menn komu hérna með drulluna upp á hnakka, það er ekki flókið," sagði Leifur Garðarsson þjálfari Víkings eftir 2-0 tap gegn Leikni í 1. deild karla í kvöld.
Eftir tapið er Víkingur, Leiknir og Þór öll með 28 stig á toppi deildarinnar.
,,Það var bara annað liðið í þessum leik sem hafði áhuga á að vinna og það sást mjög vel í leiknum. Við vorum slakir í fyrri en hörmung í seinni og vorum ekki líklegir til að skora mark."
,,Það eru allir leikir mikilvægir en svona leikir eru það þegar þú getur slitið þig aðeins frá liðunum fyrir aftan. Við höfðum takmarkaðan áhuga á því."
