David Ngog leikmaður Liverpool tryggði liðinu 0-2 sigur á Rabotnicki í Evrópudeildinni í kvöld.
Leikurinn fór fram í Makedóníu í kvöld en þetta var fyrri leikur liðanna.
Tíu sterka leikmenn vantaði í lið Liverpool í kvöld en þar má helst nefna þá Steven Gerrard, Fernando Torres og Joe Cole.
Ngog skoraði fyrra mark sitt eftir 17 mínútur og var staðan 0-1 í hálfleik.
Hann var svo aftur á skotskónum þegar tæpur klukkutími var búinn af leiknum.
Liverpool er því í sterkri stöðu fyrir síðari leikinn sem fram fer á Anfield eftir viku.
