,,Við gerum afdrifarík mistök sem verða þess valdandi að við erum 2-0 undir í hálfleik, í staðinn fyrir að við erum með control og erum að spila ágætlega þannig lagað séð," sagði Þorvaldur Örlygsson þjálfari Fram eftir 3-0 tap gegn Grindavík í kvöld.
,,Það vantar svona herslumuninn að skapa örlítið betri færi en svo erum við 2-0 undir og komum í seinni hálfleikinn og þá erum við að reyna að skapa okkur og erum aftur með völd en ekki nægilega mörg góð færi."
,,Eins og ég var að reyna að lýsa rétt áðan þá vorum við að reyna að spila og náðum ekki að skapa eins afdrifarík og góð færi og vildum en að sama skapi get ég ekki alveg verið sammála að hinir hafi fengið mörg færi, þeir fá mörg mörk og mörkin telja."
Frekar er rætt við Þorvald í sjónvarpinu að ofan.
