,,Þeir unnu þetta bara á forminu, svona er þetta," sagði Einar Guðnason spilandi þjálfari Berserkja eftir 3-2 sigur liðsins á KB í úrslitakeppni 3.deildarinnar í kvöld. Þrátt fyrir sigurinn þá eru Berserkir úr leik 4-3 samanlagt.
Útlitið var gott hjá Berserkjum í kvöld eftir að Einar skoraði tvívegis og kom liðinu í 2-0 en hann fór síðan meiddur af velli.
,,Maður limpaðist út af eins og aumingi eftir 60 og eitthvað mínútur. Ég get ekki tekið þrjá leiki í röð 90 mínútur, það er aðeins of mikið."
Berserkir unnu B-riðilinn í 3.deildinni í sumar og Einar er ánægður með sumarið í heild þó að tímabilið sé núna búið hjá liðinu.
,,Þetta sumar var brilliant. Það gekk hrikalega vel og það var eintóm gleði. Við fórum vel í gegnum riðilinn."
Hér að ofan má sjá viðtalið í heild sinni.
