Ólafur á æfingu íslenska landsliðsins í gær.
,,Ég held að það sé fínn andi í þessum hóp og þetta lítur ágætlega út. Auðvitað eru smá skeinur hér og þar en að öðru leiti lítur þetta vel út," sagði Ólafur Jóhannesson þjálfari Íslands á æfingu liðsins á Keflavíkurvelli í gær en liðið mætir Norðmönnum í undankeppni EM 2012 á föstudag.
,,Stærstu spurningarnar eru Brynjar Björn og Árni Gautur, þeir eru báðir mjög tæpir en að öðru leiti eru allir heilir," hélt hann áfram en þó Árni Gautur sé tæpur á liðið annan traustan markvörð í Gunnleifi Gunnleifssyni sem átti stórleik með FH gegn KR í fyrrakvöld.
,,Allir sem eru hér, þeim er treystandi í þetta verkefni sem við erum að fara í og Gunnleifur er svo sannarlega einn af þeim."
Íslendingar voru óheppnir að taka ekki sigra gegn Norðmönnum í undankeppni HM 2010.
,,Við spiluðum tvo leiki við Norðmenn í síðustu keppni sem voru báðir ágætis leikir að okkar hálfu þó við höfum unnið hvorugan. Sérstaklega var sárt að vinna ekki seinni leikinn. En okkur hlakkar til að spila á móti þeim, það er engin spurning."
Nánar er rætt við Ólaf í sjónvarpinu hér að ofan.
