,,Ég er ekki bara sáttur, ég er rígmontinn af því sem maður horfði á í dag. Þetta var agaður, þroskaður og góður fótboltaleikur hjá okkar mönnum," sagði Páll Viðar Gíslason þjálfari Þórs við Fótbolta.net eftir 3-0 sigur liðsins á KA í kvöld.
,,Þó að við höfum ekki spilað neinn sambabolta þá var holningin á liðinu þannig að við Þórsarar eigum að vera stoltir af liðinu okkar í dag."
,,Þó að við höfum ekki spilað neinn sambabolta þá var holningin á liðinu þannig að við Þórsarar eigum að vera stoltir af liðinu okkar í dag."
Atli Sigurjónsson kom Þór yfir snemma leiks og eftir það var sigurinn lítið í hættu.
,,Það hjálpaði gríðarlega. Miðað við söguna á þessum velli þá leyfum við yfirleitt hinum að skora fyrst og eltum svo."
,,Við fengum tvö mörk fljótlega og síðan drap þriðja markið í síðari hálfleik leikinn endanlega. Þá var þetta spurning um að klára leikinn með sæmd og láta ekki espa sig upp í einhverja vitleysu því það var svo sannarlega í boði í dag."
Hér að ofan má sjá viðtalið í heild sinni.
