Heimild: Sporting Life
Marouane Chamakh, framherji Arsenal, segist eiga eftir að verða betri þegar hann verður búinn að aðlagast enska boltanum.
Þessi 26 ára gamli Marokkómaður kom frítt til Arsenal frá Bordeaux í sumar.
,,Ég er að aðlagast vel og þjálfarinn (Arsene Wenger) er að gera sitt besta til að ég sé velkominn hjá félaginu," sagði Chamakh.
,,Ég veit að um leið og ég verð búinn að aðlagast þá mun leikur minn batna mikið. Leikmennirnir hafa tekið vel á móti mér, liðsandinn er góður og mér finnst ég vera hluti af fjölskyldu."
,,Við viljum vinna ensku úrvalsdeildina á þessu tímabili og við erum allir einbeittir að því."
