Grétar Rafn með í leiknum í dag.
Ólíklegt er að Grétar Rafn Steinsson varnarmaður íslenska landsliðsins verði með liðinu í leiknum gegn Danmörku í Kaupmannahöfn á þriðjudag en þetta tilkynnti Ólafur Jóhannesson þjálfari íslenska landsliðsins á æfingu liðsins í dag.
,,Grétar Rafn hefur verið að glíma við meiðsli í ákveðinn tíma og hann dugði í rétt rúmar 60 mínútur í dag," sagði Ólafur við fréttamenn eftir leikinn í dag.
,,Ég tel minni líkur en meiri að hann fari með okkur til Danmerkur. Meiðslin hans eru þannig að þau þola ekki meira en klukkutíma á vikufresti eða hvernig sem það er. Það er aftan í hnésbótinni á honum. "
Rúrik Gíslason gat ekki leikið í byrjunarliði Íslands í dag eftir að hafa glímt við veikindi í vikunni. Ólafur sagðist þó hafa valið sitt besta lið en Rúrik verður klár í leiknum á þriðjudag.
,,Rúrik var veikur í Danmörku og kom hingað heim og var hálfslappur. Hann verður frískur úti í Danmörku," sagði Ólafur.
