Heimild: Dirty Tackle
Troðfull stúka? Nei, ljósmynd.
Ítalska B-deildar liðið Triestina hefur undanfarin ár farið óhefðbundna leið í sjónvarpsleikjum sínum.
Liðið leikur á leikvangi sem tekur 32.454 áhorfendur í sæti en þegar mætingin var farin að versna til muna ákvað félagið að loka einum hluta stúkunnar, Colaussi stúkunni.
Í stað þess að láta leikmenn liðsins leika fyrir framan tóm sæti fundu forráðamenn félagsins upp á undarlegri lausn.
Þeir settu myndir af áhorfendum yfir alla stúkuna svo það líti út fyrir að hún sé full, svo verður hver að dæma fyrir sig hvort það heppnist en það má allavega ekki segja að þetta séu háværir áhorfendur.
