Hörður Snævar Jónsson skrifar frá Danmörku
Morten Olsen þjálfari Danmerkur segir að liðið vanti reynslu að spila saman en liðið mætir Íslandi á morgun.
Þeir Jon Dahl Tomasson, Martin Jorgensen og Jesper Grønkjær eru allir hættir eftir HM.
,,Við getum ekki staðfest að við vinnum leikinn, ekki þegar það eru svona margir nýjir leikmenn. Það er ekki reynsla í að spila með hvor öðrum en við munum gera okkar besta," sagði Olsen.
,,Við vitum að við verðum að vinna baráttuna, við erum spenntir að spila leikinn. Það er enginn vafi en við verðum að vera rólegir og vonandi verður fólk það líka."
