Matthias Freyr Matthiasson skrifar frá Danmörku
Ólafur Jóhannesson landsliðsþjálfari Íslands í knattspyrnu sat fyrir svörum á blaðamannafundi á Parken, þjóðarleikvangi Dana nú í kvöld. Umræðuefnið var landsleikur Danmerkur og Íslands sem fram fer annað kvöld á Parken. Þar ræddi Ólafur meðal annars hvernig undirbúningnum hefði verið háttað fyrir leikinn og möguleika Íslenska liðsins í leiknum.
,,Undirbúningurinn hefur verið fínn, við hristum þennan Noregsleik af okkur nánast strax á föstudagskvöldið og undirbúningurinn hefur gengið mjög vel. Við tókum eina æfingu strax á laugardagsmorgninum á Íslandi og búnir að taka tvær hérna í Danmörku og ein framundan, þannig að það hefur gengið bara mjög vel"
Eru allir mennirnir heilir?
,,Það er enginn meiddur sem er í þessu hóp, það er spurning með Árna Gaut en það verður tekið síðasta test núna á eftir. Hann er eina spurningin"
Verður þessi leikur lagður upp öðruvísi en á móti Noregi.
,,Já við komum til með að gera það. Á móti Noregi töldum við að ættum að geta unnið þann leik og fórum í þann leik með það hugafar og þannig lögðum við þann leik upp. Núna eru við að spila við miklu sterkara lið og það er alveg ljóst að danirnir koma til með að vera meira með boltann heldur en við "
Þetta og fleira er rætt á blaðamannafundinum sem sýndur er hér að ofan.
