Heimild: Reuters
Færeyingar eru ekki ánægðir með grasið á Ítalíu.
Brian Kerr, landsliðsþjálfari Færeyinga, er allt annað en ánægður með æfingaaðstöðuna sem liðið hefur fengið að nota á Ítalíu fyrir leik liðanna í undankeppni EM annað kvöld.
Færeyingar hafa verið að æfa á Ponte a Niccheri svæðinu í Flórens en Christian Mouritsen leikmaður liðsins er tæpur fyrir leikinn eftir að hafa meiðst á ökkla á vellinum.
,,Grasið á æfingasvæði okkar er svo hátt að það tæki allar kindurnar í Færeyjum mánuð að borða það," sagði Kerr ósáttur.
Ítalir æfa sjálfir á Coverciano æfingasvæðinu sem er talið vera eitt það besta í heimi.
