Heimild: Sky Sport
Arsenal staðfesti það í dag að hollenski sóknarmaðurinn Robin Van Persie verði frá í tæpar sex vikur vegna ökklameiðsla.
Van Persie meiddist í sigurleik Arsenal gegn Blackburn og mun hann ekki leika með félaginu fyrr en um miðjan október.
Þetta er mikið áfall fyrir Arsenal enda stutt í að Meistaradeildin fari að hefjast.
Stuðningsmenn liðsins geta þó huggað sig við það að franski miðjumaðurinn Samir Nasri snýr aftur til æfinga í vikunni eftir meiðsli sem hann varð fyrir í opnunarleik deildarinnar gegn Liverpool.


