12. Árni Snær Ólafsson (m)

Arnar Már Guðjónsson

Teitur Pétursson

Ármann Smári Björnsson

Arnór Snær Guðmundsson

Ingimar Elí Hlynsson

19. Eggert Kári Karlsson ('90)

27. Darren Lough

32. Garðar Gunnlaugsson

3. Sindri Snæfells Kristinsson

10. Jón Vilhelm Ákason ('76)

17. Andri Adolphsson ('90)

20. Gylfi Veigar Gylfason

Páll Gísli Jónsson

Arnar Már Guðjónsson ('44)

Skagamenn unnu góðan sigur á Þrótturum

Í dag mættust íA og Þróttur R í fimmtándu umferð 1. deildar karla í Íslandsmótinu en leikurinn fór fram á Norðurálsvelli. Spilað var við nokkuð erfiðar aðstæður þar sem töluverður vindur var og nokkuð þungur völlur. Skaginn þurfti að vinna leikinn til að halda öðru sætinu í deildinni og Þróttur þurfti á sigri að halda til að vera í toppbaráttunni.

Fyrri hálfleikur var frekar tíðindalítill framan af en á 12. mínútu kom fyrsta markið. Þá lék Alexander Veigar Þórarinsson boltanum fram völlinn og tók skot af 40 metra færi sem flaug yfir Árna Snæ Ólafsson sem var of framarlega í marki ÍA. Klaufalegt mark og keimlíkt markinu sem Skagamenn fengu á sig á Selfossi.

Einungis fimm mínútum síðar kom jöfnunarmark ÍA. Þá lék Jón Björgvin Kristjánsson boltanum í átt að vítateig Þróttar. Hann gaf boltann á Hjört Hjartarson sem náði föstu skoti sem fór í varnarmann og yfir Trausta Sigurbjörnsson í marki Þróttar.

Eftir þetta róaðist nokkuð yfir leiknum og hvorugt liðið náði að skapa sér álitleg færi heldur var meira um háa bolta fram völlinn. Undir lok hálfleiksins fór þó að hitna í kolunum. Á 43. mínútu fengu Skagamenn aukaspyrnu fyrir utan vítateig Þróttar. Boltinn endaði í varnarmanni Þróttar og fyrir fæturna á Ingimar Elí Hlynssyni sem var einn fyrir opnu marki. Skot hans var glæsilega varið af Trausta Sigurbjörnssyni.

Á lokamínútu fyrri hálfleiks komust heimamenn þó yfir. Þá átti Darren Lough aukaspyrnu inn í vítateig Þróttar. Boltinn fór til Hjartar Hjartarsonar sem skallaði boltann aftur fyrir sig í fjærstöngina og inn, óverjandi fyrir Trausta Sigurbjörnsson. Þar sýndi hann að allt er fertugum fært.

Staðan í hálfleik var því 2-1 fyrir ÍA.

Skemmst er frá því að segja að seinni hálfleikur var afar tíðindalítill framan af. Þróttarar
náðu sjaldan að ógna marki ÍA með háum boltum sem varnarmenn ÍA skölluðu ávallt frá. Heimamenn bökkuðu umtalsvert þegar leið á leikinn og beittu skyndisóknum sem voru bitlausar framan af.

Undir lok leiksins fóru þó hlutir aftur að gerast og áttu varamenn ÍA stóran þátt í því. Jón Vilhelm Ákason, sem var nýkominn inná sem varamaður, átti góðan sprett í gegnum vörn Þróttar og náði góðu skoti á fjærstöngina sem Trausti Sigurbjörnsson varði vel.

Skömmu síðar náðu Þróttarar að ógna með góðri skyndisókn sem endaði með því að Björgólfur Takefusa lék á varnarmann inni í vítateig ÍA og náði föstu skoti sem Árni Snær Ólafsson varði virkilega vel.

Þróttarar reyndu að jafna metin undir blálok leiksins og úr einni skyndisókn kláruðu Skagamenn leikinn. Andri Adolphsson, sem kom inn á sem varamaður mínútu fyrr, fékk boltann á miðjum vallarhelmingi Þróttar. Hann lék á varnarmann og komst inn í vítateig. Þar lék hann á Trausta í markinu og renndi boltanum í markið. Jón Vilhelm Ákason fylgdi eftir og reyndi að eigna sér markið en Andri átti það skuldlaust.

Skömmu síðar var flautað til leiksloka og Skagamenn fögnuðu innilega mikilvægum 3-1 heimasigri og festu þeir sig þar með enn betur í öðru sæti deildarinnar.

30. Trausti Sigurbjörnsson (m)

4. Hreinn Ingi Örnólfsson (f) ('88)

6. Vilhjálmur Pálmason ('78)

10. Alexander Veigar Þórarinsson

14. Hlynur Hauksson

16. Jón Konráð Guðbergsson ('75)

17. Ragnar Pétursson

19. Karl Brynjar Björnsson (f)

20. Björgólfur Hideaki Takefusa

23. Aron Lloyd Green

27. Oddur Björnsson

12. Sindri Geirsson (m)

2. Kristján Einar Auðunsson

3. Árni Þór Jakobsson

8. Hermann Ágúst Björnsson ('88)

8. Hilmar Ástþórsson ('75)

16. Andri Már Bjarnason ('78)

18. Vilhjálmur Kaldal Sigurðsson

Aron Lloyd Green ('92)

Alexander Veigar Þórarinsson ('64)

Karl Brynjar Björnsson ('42)