Það var ekkert í kortunum annað en heimamenn væru að landa sigri þegar Blikar fengu aukaspyrnu á hættulegum stað á síðustu andartökum leiksins. Guðjón Pétur Lýðsson tók spyrnuna og jafnaði fyrir Blika og sú spyrna var jafnframt síðasta spyrna leiksins. Flautumark.

Atvikin! Mörkin tvö sem Oddur Helgi Guðmundsson aðstoðardómari dæmdi af Blkum. Átti afar slakan dag.

Þessi úrslit þýða að Keflavík fékk sitt fyrsta stig og Blikar eru lagðir í ferð að meti í fjölda jafntefla.

Richard Arends markvörður Keflavíkur. Fékk í raun á sig þrjú mörk og virðist ekki einu sinni hafa getu til að spyrna boltanum frá marki. Þarf virkilega að fara að skoða hvort fjármunum félags sé rétt varið í svona leikmenn.

Vilhjálmur Alvar átti fínan dag. Nýtti hagnaðarregluna vel, leyfði leiknum að flæða og var samkvæmur sjálfum sér. En Oddur aðstoðardómari gerir það að verkum að Vilhjálmur lækkar aðeins í einkunn.