Gunnar Birgisson @grjotze

- Meðalaldur 34 ár

- Meðalaldur 31 ár

Textalýsing Skýrslan Viðtöl

Hvað réði úrslitum? Mark Höskuldar. Einfalt og þægilegt, tíðindalítill leikur sem hefði getað dottið báðu megin en það voru Blikar sem ætluðu sér meira að ná í stigin þrjú. Voru í smá ströggli varnarlega stundum en þorðu að taka meiri sénsa undir lokin sem skilaði þeim þýðingarmiklu marki. Bestu leikmenn 1. Oliver Sigurjónsson Frábær inná miðsvæðinu, sópaði upp ófáar sóknir Valsmanna auk þess sem hann var mjög lunkinn á boltann og óhræddur við að svissa boltanum milli kanta. Leikmaður sem á mikið inni og sýndi styrk sinn í dag. 2. Gunnleifur Gunnleifsson Þarna kom reynslan í ljós. Varði þegar þurfti á að halda og stundum mjög vel, var á tánum allan leikinn þrátt fyrir að stundum liðu margar mínútur milli átaka hjá honum. Atvikið Þegar Tómas Óli fór inn á gegn sínum gömlu félögum og var tekinn útaf stuttu síðar. Það var þó ekki vegna slakrar frammistöðu heldur fékk hann eitthvað í lærið og spurning hvort það muni halda honum á hliðarlínunni í einhvern tíma.

Hvað þýða úrslitin? Breiðablik sækir sinn fyrsta sigur í Pepsi þetta árið á meðan Valsmönnum var kippt mjög harkalega niður á jörðina eftir flottan sigur á FH í síðustu umferð. Vondur dagur Valsliðið í heild sinni. Tapa þremur stigum, missa tvo menn í meiðsli og þar á meðal fyrirliðann sinn Hauk Pál. Menn þurfa að taka sig saman í andlitinu og gíra sig upp á nýtt fyrir næsta verkefni. Dómarinn - 6 Virtist óöruggur með hvar línan sín lægi í dag, spjaldaði fyrir sum brot en önnur ekki. Hefði sennilega átt að gefa Valsmönnum víti þegar Iain féll niður innan teigs.

- Meðalaldur 32 ár