Fjölnismenn voru einfaldlega beittari og ákveðnari í sínum aðgerðum. Einhvernveginn er kannski hægt að segja klisjuna að þeim langaði meira í sigurinn. Skagamenn mættu ekki til leiks fyrr en eftir c.a. 40 mínútur en það var bara of lítið og of seint

Seinna mark Fjölnis. Fyrrum skagamaðurinn Ragnar Leósson átti furðu sendingu langt fram völlinn. Boltinn skoppar yfir varnarmann og Þórir Guðjónsson kom boltanum í netið í fyrstu snertingu.

Fjölnismenn eru á góðu róli og eru í efri hlutanum og hljóta að vera nokkuð sáttir með gengið það sem af er. Þetta er klárlega eitthvað til að byggja á. Skagamenn eru aftur á móti í mikilli leit að sigri og einnig í mikilli leit að markaskorara.

Frasinn ,,skagamenn skagamenn skoruðu mörkin" á svo sannarlega ekki við á Akranesi í dag. Þeir þurfa nauðsynlega á sóknarmanni að halda sem skorar mörk. Arsenji hefur ekki sýnt það sem búist var við af honum. Garðar Gunnlaugsson er meiddur og ekki vitað hver á að leysa hann af. Einnig átti Ásgeir Marteins afleitan leik. Erfitt að útskýra það afhverju hann eigi sæti skilið í byrjunarliðinu miðað við leikinn í kvöld og það sem hann hefur sýnt það sem af er móti.

Garðar Örn var bara ágætur í dag. Engin afdrífarík mistök gerð og hafði ágætis stjórn á leiknum