Breiðablik mætti tilbúið til leiks og sáu allir á vellinum hvoru liðinu langaði meira að fá þessi þrjú stig. Víkingar urðu fljótt pirraðir og með þannig hugafari er erfitt að vinna fótboltaleik.

Óli Þórðar, þjálfari Víkinga, var brjálaður yfir að fá ekki víti í fyrri hálfleik. Lét Garðar Örn dómara heyra það sem endaði með því að Óli var rekinn upp í stúku í hálfleik.

Sigurganga Blika heldur áfram. Þeir hafa nú unnið fimm leiki í röð og eru í góðum málum með 18 stig. Hinu megin lítur þetta töluvert verr út, Víkingar ekki unnið leik síðan í fyrstu umferð og eru að sogast niður í mikla fallbaráttu ef ekkert breyist.

Óli Þórðar og Víkingar áttu alls ekki nægilega góðan dag. Óli kallaði eftir því í viðtölum eftir leik að sínir leikmenn myndu stíga upp og talaði um að það vantaði upp á að menn myndu leggja sig fram. Víkingar hafa ollið gríðarlegum vonbrigðum á tímabilinu.

Dæmdi leikinn að mörgu leyti vel. En það er sama með markmenn og dómara, ein mistök geta lækkað einkunn manna gríðarlega. Víkingar allt annað en sáttir við að fá ekki víti.