Fyrri hálfleikurinn var í járnum framan af en ÍBV kom boltanum í netið og í seinni hálfleik var alveg ljóst hvort liðið var komið til að vinna leikinn. Leikgleðin skein úr augum ÍBV og eftir annað mark Eyjamanna áttu Fylkismenn ekki afturkvæmt inn í leikinn og voru auðveld bráð.

Seinna mark Bjarna Gunnarssonar og síðasta mark Eyjamanna. Þá fékk Bjarni fyrirgjöf og tók frábærlega á móti henni, kassaði boltann upp í loftið og tók síðan viðstöðulaust hliðarspark og það var alltaf vitað að sá bolti færi inn.

Einfalt, ÍBV fer annað árið í röð í undanúrslitin og færist þannig skrefi nær bikarnum en Fylkir er úr leik í 8-liða úrslitum einnig annað árið í röð.

Allt Fylkisliðið. Eru með gott lið og góðan mannskap og er oftar en ekki erfiður ljár í þúfu andstæðinga en ekki í dag. Það var aldrei almennilega inni í leiknum að manni fannst og áttu bara vondan dag.

Vilhjálmur Alvar átti rólegan dag í dag. Þrátt fyrir að leikurinn hafi verið grófur á tímum var hann alltaf með góða stjórn á leiknum, dæmdi réttulega brot þegar við átti en var ekkert að spjalda menn. Þurfti heldur ekki að taka neinar stórar ákvarðanir