Breiðablik unnu þennan leik einfaldlega á gæðunum einum saman. Færi á báða bóga í upphafi leiks og Fjölnismenn hefðu auðveldlega getað komist yfir, en eftir að aukaspyrna Olivers datt þá sigldu Blikar þessu auðveldlega heim.

Maggi Bö tók sig til og málaði hluta vallarins í hálfleik og tafði það að Ívar Orri flautaði til upphafs síðari hálfleiks meðal annars. Alvöru dedication hjá Bö-vélinni þarna.

Breiðablik ríghalda í toppliðin á meðan Fjölnir fjarlægjast þennan pakka sem er að myndast þarna efst.

Ragnar Leósson átti vægast sagt dapran leik og vill sennilega gleyma þessum leik sem fyrst. Var tekinn út snemma í síðari hálfleik.

Flottur leikur heilt yfir hjá Ívari Orra, hafði góða stjórn á leiknum.