Einstaklingsmistök ráða úrslitum þessara leiks. Liðin fengu bæði góð færi til þess að skora en Selfyssingar gerðu einfaldlega fleiri dýrkeypt mistök sem kostuðu þær sigurinn.

Við erum búin að tala nóg um mistök. Atvik leiksins er þegar maður á rafknúinni fallhlíf flaug lágt yfir völlinn og tók gjörsamlega alla athygli áhorfenda af leiknum. Margar myndavélar fóru á loft. Einstakt augnablik.

Mikilvæg 3 stig fyrir Stjörnuna og missa Breiðablik ekki of langt frammúr sér. Selfyssingar halda áfram að tapa stigum og er titillinn svo gott sem úr augnsýn. Aldrei að segja aldrei.

Því miður fyrir Bríet Mörk Ómarsdóttir. Bríet var mjög flott framan af leik og var komin á blað hjá mér sem maður leiksins. Bríet gerir slæm mistök í markinu þegar Stjarnan kemst yfir. Samskiptaleysi hjá henni og Chante. Skrifast jafnmikið á þær báðar. Í markinu þegar Stjarnan gerir útum leikinn gerir Bríet einnig slæm mistök sem verða til þess að Harpa skorar.

Mjög góður dagur hjá Guðmundi Ársæli og hans fylgdarliði. Auðvitað koma ákvarðanir sem ekki allir eru sáttir við en hann hafði góð tök á leiknum.