Eyjastúlkur náðu fyrsta markinu eftir jafna byrjun og bættu svo við öðru úr víti. Í báðum tilfellum var Shaneka Gordon á ferðinni. Þriðja mark ÍBV kom svo strax í byrjun seinni hálfleiks og þá var þetta búið. Þróttarar börðust hetjulega og minnkuðu muninn í 3-2 en þetta var einfaldlega of lítið og of seint.

Annað mark Þróttar. Þróttur minnkaði muninn í 3-2 úr víti og þetta var í fyrsta skiptið sem liðið skorar meira en eitt mark á tímabilinu. Þær höfðu einungis skorað tvö mörk í deildinni allt tímabilið fyrir leikinn og tvöfölduðu þar með markaskorun sumarsins. Þær geta því tekið eitthvað jákvætt úr þessum leik!

ÍBV er með 19 stig og fikrar sig nær 3. sætinu, sem er raunhæfur möguleik. Þróttur er enn í næstneðsta sæti með tvö stig og útlitið afar dökkt. Þær hafa enn ekki unnið sinn fyrsta leik í sumar.

Ekki hægt að taka neinn sérstakann út nema helst þá að vörn Þróttar hafi átt vondan dag. Stóð vaktina með prýði oft á tíðum en gaf frá sér afar ódýr mörk. Hún lét splundra sér of oft og tvisvar náði ÍBV stungusendingu beint í gegn sem skilaði sér í mörkum.

Átti þokkalegan leik en gaf ÍBV heldur ódýrt víti í stöðunni 1-0 og það var dýrt fyrir Þróttara.