Jóhann Ingi Hafþórsson @

- Meðalaldur 32 ár

Textalýsing Skýrslan Viðtöl

Hvað réði úrslitum? Í nokkuð jöfnum leik þar sem varnirnar voru betri en sókninar þá tókst Blikum að skora eina markið er Guðjón Pétur Lýðsson tók hörkuskot sem fór í Jonathan Glenn og lak þaðan í markið. Ekki fallegt mark en Blikar taka því fegnir að sjálfsögðu. Bestu leikmenn 1. Elfar Freyr Helgason Gjörsamlega át sóknarmenn Vals hvað eftir annað. Emil Atlason, komst lítið áleiðis í kvöld gegn Elfari. 2. Bjarni Ólafur Eiríksson Bjarni var langbesti maður Vals í kvöld. Hann var síógnandi með flottum sprettum upp völlinn og fyrirgjafirnar hans voru virkilega góðar. Hann varðist einnig vel og skilaði heldur betur sínu. Atvikið Kristinn Ingi Halldórsson fékk algjört dauðafæri til að jafna í seinni hálfleik en hann hitti boltann afar illa. Þar átti hann að jafna og hver veit hvað hefði gerst í stöðunni 1-1.

Hvað þýða úrslitin? Valsmenn geta farið að kyssa titilbaráttuna bless eftir þrjá tapleiki í röð þar sem þeir hafa aðeins skorað eitt mark. Blikar gera aftur á móti ekkert slíkt á næstunni, þeir líta vel út þessa dagana og virðast ætla að vera með í baráttunni til enda. Vondur dagur Emil Atlason og Kristinn Ingi Halldórsson voru ekki góðir í dag. Sigurður Egill Lárusson og Kristinn Freyr Sigurðsson héldu uppi sóknarleik Vals í kvöld ásamt Bjarna Ólafi Eiríkssyni en Emil Atlason og Kristinn Ingi áttu alls ekki sinn besta dag. Emil virðist eiga í erfiðleikum með að leysa hinn frábæra Pedersen af á meðan Kristinn Ingi klúðraði dauðafæri og sást voða lítið þess fyrir utan. Dómarinn - 6 Vilhjálmur Alvar Þórarinsson var fínn í dag, það var lítið um vafadóma og hann komst ágætlega frá sínu.

- Meðalaldur 34 ár

- Meðalaldur 32 ár