Þessi vítaspyrna á síðustu mínútum leiksins réð því að Blikar færu ekki heim með 3 stig í bakpokanum, klárlega. Þeir fengu þó dauðafæri til þess að klára þetta í blálokin en vítaspyrnan er þegar allt er lagt saman það sem varð þeim að falli.

Sturlaða markið hans Olivers í fyrri hálfleik, beint úr aukaspyrnu. Gjörsamlega illað mark.

Blikar geta nokkurn veginn veifað Íslandsmeistaratitlinum bless. Það þarf ansi, ansi mikið að heppnast fyrir Blikana hans Adda Grétars til þess að þeir lyfti titlinum í ár. Víkingar fara ekki ofar en 6. sæti í sumar en ef þeim tekst það verður það að teljast fínn árangur miðað við allt fokkið í sumar.

Gunnleifur Gunnleifsson var frekar ólíkur sér í markinu í dag. Var óöruggur að sjá í fyrri hálfleik. Gat þó ekki mikið gert í mörkunum sem hann fékk á sig en hann var í pínu basli í dag samt sem áður. Það var eiginlega enginn sem var eitthvað yfirburða slakur í dag, ekki Gulli heldur, en ég verð víst að setja þetta á einhvern. Sorry, Gulli.

Var að taka nokkrar skrýtnar ákvarðanir í dag og að mér skilst þá var vítið ekki víti - en ég verð að sjá það aðeins betur. Var þó á heildina litið með ágætis tök á þessum leik.