Tvö föst leikatriði Breiðabliks gáfu þeim tvö mörk sem dugði til sigurs. Dýrkeypt fyrir heimamenn sem hefðu alveg átt skilið eitt stig úr þessum leik.

Fylkir hefði getað jafnað metin í uppbótartíma þegar þeir fengu algjört dauðafæri fyrir opnu marki en tveir Fylkismenn reyndu við skot á sama tíma sem heppnaðist ekki betur en svo að þeir spörkuðu í hvorn annan. Þvílíkur klaufagangur.

Fylkir er enn stigalaust eftir fyrstu tvær umferðirnar. Breiðablik hinsvegar komnir með sín fyrstu stig.

Eftir tvo leiki eru Fylkir enn með núll stig. Þeir fara næst á Hlíðarenda og þar mætast tvö lið sem eru enn án stiga.

Vilhjálmur Alvar var með allt á hreinu. Engin vandræði og fór þægilega í gegnum þetta verkefni.