1. Ögmundur Kristinsson (m)

Halldór Hermann Jónsson ('65)

11. Almarr Ormarsson

1. Denis Cardaklija (m)

11. Jökull Steinn Ólafsson

21. Stefán Birgir Jóhannesson ('78)

Kristinn Ingi Halldórsson ('35)

Lennon lék sér að KR-ingum og skoraði fimm

Heitasti leikmaðurinn á Íslandi í dag er Steven Lennon, sóknarmaður Fram, þessi snjalli sóknarmaður lék á als oddi í kvöld og skoraði öll fimm mörk Fram í 5-0 sigri á KR í úrslitaleik Reykjavíkurmótsins.

Hann átti stóran þátt í því að Fram bjargaði sér frá falli í fyrra og hefur svo verið besti leikmaður Reykjavíkurmótsins. Ef hann heldur uppteknum hætti verða mörkin hans í sumar ansi mörg.

KR-ingar vilja gleyma þessum leik í kvöld. Langstærstan hluta hans voru þeir algjörlega á hælunum. Vörnin skammarlega léleg og miðjan átti ekkert í miðju Fram-liðsins.

Eftir tvö einstaklingsmistök á fyrstu fjórum mínútunum var Fram skyndilega komið tveimur mörkum yfir. Flestir áhorfendur voru ekki mættir í Egilshöllina þegar þetta átti sér stað. Í fyrsta markinu tapaði Egill Jónsson boltanum og Gunnar Þór Gunnarsson í því síðara.

Lennon skoraði svo þriðja mark sitt eftir að hafa leikið léttilega á Gunnar og það fjórða kom í seinni hálfleik og var eftir stórglæsilegt einstaklingsframtak. Síðasti naglinn í kistuna kom svo úr vítaspyrnu sem hann krækti sjálfur í.

Framliðið leit mjög vel út í kvöld og hefði í raun getað skorað fleiri mörk. Lennon fór illa með annað mjög gott færi og þá skaut Halldór Hermann Jónsson framhjá úr algjöru dauðafæri. Ef lykilmenn Fram haldast heilir getur Fram átt ansi gott sumar í vændum.

Þó enn sé febrúar hlýtur svona stórt tap að hringja einhverjum aðvörunarbjöllum hjá KR. Þó Bjarni Guðjónsson og Grétar Sigfinnur Sigurðarson hafi ekki verið með í kvöld þá á jafn öflugur leikmannahópur og KR býr yfir að höndla það betur.

5. Egill Jónsson ('46)

6. Gunnar Þór Gunnarsson

7. Skúli Jón Friðgeirsson

8. Baldur Sigurðsson ('66)

9. Kjartan Henry Finnbogason ('66)

22. Óskar Örn Hauksson (f)

23. Atli Sigurjónsson

3. Haukur Heiðar Hauksson ('46)

Egill Jónsson ('33)