Fyrstu 6.mínútur leiksins. Þegar þær voru liðnar voru Blikar komnir 2 mörkum yfir og með leikinn í höndum sér. Löng og brött brekka fyrir Eyjamenn sem náðu aldrei að rétta almennilega úr kútnum.

Fyrsta mark leiksins. Kom strax eftir þrjár mínútur og sló ÍBV alveg útaf laginu. Næstu mínútur þar á eftir voru eintóm ringulreið sem endaði með öðru marki.

Blikar, sem sátu í 5.sæti deildarinnar, stigi á eftir ÍBV í því fjórða, eru komnir á toppinn. Liðin þar á eftir eiga þó leik inni.

Jonathan Glenn var mættur á sinn gamla heimavöll en hann sá varla til sólar í liði sem vinnur tveggja marka sigur. Fékk ekki mörg færi, spjaldaður fyrir dýfu og fær svo seinna gula spjaldið fyrir olnbogaskot. Hafði þar áður verið heppinn að fá ekki að sjá seinna gula fyrr fyrir samskonar brot.

Einstaka furðulegir dómar en ágætt heilt yfir. Gunnar hefði átt að senda Glenn fyrr útaf, en gaf honum séns á að gefa öðrum leikmanni ÍBV olnbogaskot áður en hann sendi hann í sturtu.