Þróttarar voru ferskir framan af og liðin skiptust á færum. Tvö mörk frá Birni Snæ undir lok fyrri hálfleiks steinrotuðu Þróttara og eftirleikurinn auðveldur fyrir Fjölni sem bættu við þremur mörkum í seinni hálfleik. Eitt frá Martin Lund Pedersen og tvö frá Þóri Guðjónssyni.

Fyrsta markið hjá Birni Snæ var rándýrt, skrúfaði boltann í slána, alveg út við samskeytin rétt fyrir utan teig. Bætti svo við öðru varla mínútu seinna. Þróttarar gátu ekkert eftir fyrsta markið.

Fjölnir halda öðru sætinu og koma sér þremur stigum frá Breiðablik sem gerðu jafntefli við Val. Aðeins eitt stig skilur að Fjölni og topplið FH. Risa þrír punktar fyrir Fjölni í toppbaráttunni. Þróttarar eru komnir í fallsæti með aðeins sjö stig eftir átta leiki, jafn mörg og ÍA sem eru með mun betri markatölu. Þróttarar verða að sýna meiri stöðuleika ætli þeir sér að halda sér í deild þeirra bestu.

Nær allt lið Þróttara átti slæman dag. Byrjuðu af krafti en sáu ekki til sólar eftir fyrsta mark Fjölnis enda þungskýjað. Gáfu Fjölni alltof mikið pláss og einfaldar sendingar klikkuðu.

Hafði gott vald á leiknum og vítaspyrnan réttilega dæmd.