Það er ekki annað hægt en að velja hann sem mann leiksins eftir þessa hjólhestarspyrnu sem hann skoraði úr. Hann gjörbreytti leiknum eftir að hann kom inn á. Þórsarar fóru að spila meira af háum boltum og voru leitandi að honum. Gunnar var mikið í því að fleyta boltanum áfram inn fyrir vörn Fjarðabyggðar með sköllum sem skapaði mikla hættu.

Hann var mjög líflegur í sóknarleik Fjarðabyggðar og skoraði meðal annars glæsilegt mark. Þurfti að vera mikið í því að ná boltanum niður þegar Fjarðabyggð var að spila háum boltum fram á við og gerði vel í því. Hann hefði getað skorað fleiri mörk en að öðru leiti átti hann flottan leik.