KA-menn voru einfaldlega betri í dag. Gestirnir úr Kópavoginum byrjuðu ágætlega og áttu nokkur færi þrátt fyrir að heimamenn hefðu yfirhöndina. Í seinni hálfleik voru KA-menn mun betri og 2-0 niðurstaða því sanngjörn.

Seinna mark heimamanna. Ekki mikið að atvikum sem standa uppúr í þessum leik en seinna mark KA var það sem drap leikinn. Flott sending frá Halldóri á Ásgeir sem fíflaði einn varnarmann HK uppúr skónum og setti hann í netið.

Með sigrinum halda KA-menn sér á toppi deildarinnar en þeir eru jafnir grönnum sínum í Þór að stigum. HK-ingar eru hinsvegar einungis með 5 stig þegar 7 umferðir eru búnar.

Elfar Árni átti ekki sinn besta dag fyrir framan markið. Spilaði leikinn ekki illa en klúðraði tveimur bestu færum leiksins. Afar hart að setja hann hér en Elfar er framherji sem á að klára svona færi

Jóhann Gunnar var ekkert sérstakur í dag en hafði ekki áhrif á úrslit leiksins. Var oft í því að spjalda á mjög soft brot en sleppa spjöldum á brot sem klárlega verðskulduðu gul spjöld.