Þó svo þetta hafi verið barningur og ekkert auðvelt fyrir Breiðablik þá eru þær með betra lið og nokkra leikmenn sem geta klárað leiki. Reynslan fram á við réði úrslitum í kvöld.

Það er oftast sagt að mörk breyti leikjum og þannig var það í kvöld að eftir að Breiðablik komst yfir í upphafi seinni hálfleiks gáfu þær eftir og FH komst miklu meira inn í leikinn. Eftir það átti FH sín einu færi í leiknum og í raun sín einu skot á mark.

Breiðablik byrjar mótið á sigri og ljóst að öll stig í þessu móti munu skipta máli því toppbaráttan verður hörð í sumar. Þó FH hafi oft sótt stig í smiðju Breiðabliks þá er verða aðrir leikir mikilvægari fyrir þær í sumar en gegn toppliðunum.

Ingibjörg Sigurðardóttir fékk að líta sitt annað gula spjald þegar 20 mínútur voru eftir af leiknum fyrir tilgangslausa tæklingu við miðlínu vallarins. Ingibjörg er landsliðskona og vissi vel að hún var á spjaldi og hefði getað sleppt þessu. Hún missir af þessum sökum af mikilvægum leik gegn Þór/KA á Akureyri á þriðjudaginn.

Lítið upp á Aðalbjörn að klaga í dag. Stóð sig vel.