ÍBV voru einfaldlega betri aðilinn í dag. Sóttu mun meira og hefðu með smá heppni getað skorað 1-2 mörk í viðbót. KR vörnin stóð vaktina þó vel og sáu til þess að ÍBV hljóp aldrei burt með leikinn.

Eftir að hafa sótt látlaust fyrstu 45, þá náðu heimastúlkur loksins að brjóta ísinn í byrjun síðari hálfleiks. Markið sem réði úrslitum.

ÍBV byrjar mótið á sterkum heimasigri. Fara vel af stað í ár.

Framherjar gestanna. Ekki það að þeir hafi verið neitt áberandi slakir, heldur fengu þeir ekki úr miklu að moða og snertingar þeirra á bolta ekki margar. Fengu því það hlutverk að hlaupa, elta og pressa án bolta í rigningunni og rokinu.

Fínn dagur hjá tríóinu. Leyfðu leiknum að fljóta ágætlega. Eitt atvik þar sem Chloe féll í teignum og vildi fá víti en ekkert dæmt. Undirritaður var ekki í stöðu til að meta hvort það var rétt eða ekki.