Gæði í föstum leikatriðum. Bæði mörk Stjörnunnar komu upp úr horni frá Hilmari, Guðjón kláraði fyrst skalla og síðan skoraði Eyjólfur Héðins geggjað mark djúpt í uppbótartímanum eftir að Hólmbert skallaði til hans horn Hilmars.

Á fimmtu mínútu uppbótartíma virðist Steinþór komast framhjá varnarmanni Stjörnunnar og upp úr því var töluverður "núningur" í návígjum þeirra á milli án þess að Vilhjálmur dæmdi nokkuð. Að lokum vann Stjarnan boltann og fór upp til að vinna hornið sem gaf þeim sigurmarkið. KA menn voru vægast sagt ósáttir.

Stjarnan heldur áfram að líta vel út og sitja einir á toppnum í bili með 10 stig af 12. KA tapaði fyrsta leiknum í mótinu í dag eftir að hafa fallið úr bikarnum á miðvikudag. Nú er að sjá hvað mótlætið leiðir af sér.

Erfitt að velja einhvern því liðin léku býsna vel bæði tvö. Archie Nkumu var þó sá sem átti erfiðast, braut mikið af sér og fékk spjaldið jafnvel frekar seint og var undir í miðjubaráttunni. Var tekinn útaf eftir klukkutíma.

Tríóið var búið að eiga fullkominn dag fram í uppbótartímann og Vilhjálmur var mjög nálægt "atvikinu" sem ég ræði hér til vinstri. Hann hafði haldið þessari línu - að leyfa mönnum að kljást - en vissulega verður gaman að sjá hvort þessi ákvörðun hans stenst sjónvarpsvélarnar. Allt annað í leiknum óumdeilt og vel gert.