Jöfnunarmark Elton Renato Livramento Barros í blálokin þýddi að liðin skiptu með sér stigunum.

Vítaspyrnudómurinn. Jón Gísli Ström féll ansi auðveldlega í baráttunni við Davíð Sigurðsson eftir að hann missti boltann aftur fyrir endamörk og Halldór dómari gekk í gildruna.

ÍR-ingar eru komnir á blað í Inkasso deildinni og rífa sig upp úr fallsæti. Haukar næla í sitt fimmta stig í sumar og sitja í pakkanum um miðja deild tveimur stigum á eftir Fylkismönnum sem sitja á toppnum.

Einhverjir gætu bent á Baldvin Sturluson en þar sem rauða spjaldið var bara rangur dómur er ekki hægt að klína því á hann. Enginn sem átti neitt áberandi slæman dag.

Ódýrt víti og ódýrt rautt spjald frá Halldóri í dag. Rauða spjaldið sér í lagi skrítið þar sem brotið var á leikmanni Hauka áður en Baldvin braut og svo hann tók sér drjúgan tíma í að gefa Baldvini seinna gula spjaldið. Átti það til að vera fyrir boltanum líka. Virkar ekki í góðu líkamlegu formi.