Baráttan hjá Fylkisstúlkum í kvöld var aðdáunarverð. Haukarstúlkur voru vel skipulagðar allan leikinn og vörðust vel en samt sem áður gáfust Fylkir ekki upp og uppskáru að lokum eitt stig.

Atvik leiksins var í raun mark Marjani í fyrri hálfleiknum. Það voru Fylkisstúlkur sem að byrjuðu leikinn betur og vöru líklegar fyrsta korterið en Haukar skoraðu síðan þvert gegn gangi leiksins og eftir það voru Haukar sterkari aðilinn.

Úrslitin þýða að Haukar eru loks komnir á blað í Pepsi-deildinni en fyrir þennan leik höfðu þær tapað öllum sínum leikjum. Þetta var einnig fyrsta stig Fylkis frá því í 1.umferðinni.

Jesse Shugg átt nokkur frábær færi í þessum leik sem að framherji eins og hún hreinlega verður að klára og ég er viss um að Jesse sé sammála því. Hefði Jesse nýtt þessi færi þá hefði útkoman svo sannarlega verið önnur.

Bríet dæmdi leikinn mjög vel. Hún leyfði leiknum að flæða og var ekki of mikið að grípa í flautuna. Aukaspyrnudómurinn undir restina var einnig hárréttur